Aakhri chand din december k...
Har baras ki trah he guzarty hain...
Khuwahishon k nigaar-khaany sy...
Kese kese gumaan guzarty hain...
Raftagaan k bikharty saayon ki...
Aik mehfil si dill main sajti hai...
Phone ki dairy k safoh sy...
Kitny number pukarty hain mujhe...
Jin sy marboot bey nawaa ghanti...
Ab faqat mere dill main bajti hai...
Kisss qadr pyary pyary naamo par...
Reengti badnuma lakeerein si...
Meri aankhon main phail jati hain...
Dooriyan daayere banati hain...
Phir december k aakheri din hain...
Har baras ki trah ab k bhi...
Dairy ik sawal karti hai...
Kya khabar es baras k aakhir tak...
Mere in bey chiraagh safhon sy...
Kitny he naam katt gaye hongy...
Kitny number bikhar kar raston main...
Gard-e-mazi sy att gaye hongy...
Khaak ki dheriyon k daman main...
Kitny tufaan simatt gaye hongy...
Har december main souchta hun mein...
Aik din es trah bhi hona hai...
Rung ko roshni main khona hai...
Apny apny gharon main rakhi hoi...
Dairy dekhty hongy dost...
Unki aankhon k khaak-daano main...
Aik sehra sa phailta hoga...
Aur kuch bey-nishaan safhon sy...
Naam mera bhi katt gya hoga...
